livretu bolsu
Propaganda
KAMPAÑA NASIONAL IMUNIZASAUN SARAMPU-RUBELA NO POLIO 13 Jullu – 1 Agostu 2015 LIVRETU BOLSU Introdusaun - Ministériu Saúde hala’o kampaña imunizasaun nasionál ida hodi hasa’e labarik sira-nia imunidade hasoru sarampu, rubela no polio. - Kampaña imunizasaun ne’e sei hala’o iha Munisípiu Dili hosi loron 13 Jullu to’o 1 Agostu 2015 no iha munisípiu sira seluk hosi loron 20 Jullu to’o 1 Agostu 2015. - Vasinasaun sarampu no rubela sei oferese ba labarik sira ho idade fulan 6 to’o tinan menus 15. - Vasinasaun polio sei oferese ba labarik sira ho idade fulan 0 to’o tinan menus 15. - Vasina rubela ne’e kombinadu ho vasina sarampu nian hamutuk iha vasina Sarampu- Rubela (SR) hodi nune’e labarik sira bele protejidu hasoru moras rua ne’e hotu ho vasinasaun ne’ebe hanesan. - Vasinasaun sira-ne’e sei oferese hosi pesoal saúde treinadu iha postu imunizasaun dezignadu iha aldeia ida-idak no iha eskola hotu-hotu iha rai-laran tomak. - Se karik iha labarik ruma mak la konsege hetan vasina iha postu imunizasaun nian, ekipa vasinasaun sei halo vizita ba uma iha loron ne’e duni hodi fó vasina ba labarik sira-ne’e. - Nasaun 100 resin mak livre ona hosi sarampu tanba labarik hotu-hotu imunizadu ona ho vasina sarampu nian. ........................................................................................................................................................................................ 1 Livretu Bolsu ba Pesoal Saúde nian sira Guia badak ba sarampu, rubela no polio SAIDA MAK SARAMPU ? Sarampu mak moras ida ne’ebé mai hosi vírus sarampu. Nia kontajiozu tebetebes. Sarampu bele hamosu komplikasaun grave, liuliu ba labarik sira ho malnutrisaun; pneumonia, ensefalite, diarreia grave, matan-delek, tilun-diuk no mate. SINTOMAS Sarampu hahú ho isin-manas ida ne’ebé bele sai makaas tebes. Sintomas seluk inklui: - Mosu kafuak ki’ik mean ne’ebé hahú hosi ulun no da’et ba isin-lolon tomak - Me’ar, inus-been, no matan-mean - Diarreia - Infesaun tilun SAIDA MAK RUBELA? Rubela mak moras ida ne’ebé mai hosi vírus rubéola. Infesaun ne’e baibain kmaan ho isin-manas no kafuak musan mean. Maibé kuandu inan ne’ebé isin-rua hetan infesaun, vírus ne’e bele halo estraga grave ba kosok-oan ne’ebé sei iha inan nia kabun. Bebé ne’e bele abortu ka moris mai mate. Se karik bebé ne’e konsege moris, bebé ne’e bele moris mai ho Síndrome Rubela Konjénita, ne’ebé bele provoka moras-fuan, tilun-diuk no estraga kakutak. SINTOMAS Rubela baibain hamosu sintomas tuirmai ne’ebé dura to’o loron 2 ka 3: - Kafuak mean ne’ebé hahú hosi oin no hada’et ba isin-lolon tomak - Isin-manas nato’on (menus hosi 38 graus Celsius) Molok kafuan mean ne’e mosu, labarik boot sira no ema boot sira mós bele hetan: - Bubu iha glándula kokorok nian - Sintomas hanesan isin-malirin - Moras iha liman-fukun no ain-fukun (liuliu iha feto foinsa’e sira) ...................................................................................................................................................................................... Livretu Bolsu ba Pesoal Saúde nian sira 2 Maioria inan sira ne’ebé hetan rubela durante isin-rua laiha sintomas, maibé vírus ne’e sei bele hamosu nafatin danus grave ba koson-oan ne’ebé sei iha inan nia kabun. SAIDA MAK POLIO? Polio mak moras ida ne’ebé mai hosi poliovírus. Nia halo paralízia durante moris tomak no bele mós halo mate. SINTOMAS Maioria hosi ema sira ne’ebé infetadu ho póliovírus laiha sintomas. Infesaun póliovírus ne’e bele grave tebetebes. Maizumenus 1 hosi ema nain 100 ne’ebé infetadu sei hetan frakeza ka paralízia iha sira-nia liman, ain ka rua ne’e hotu. Paralízia ka frakeza ida-ne’e bele dura durante moris tomak. TANBA-SA MAK ITA PRESIZA KAMPAÑA IMUNIZASAUN BA SARAMPU-RUBELA NO POLIO? - Kampaña ida-ne’e sei hasa’e nível imunidade iha labarik sira kontra moras grave tolu; sarampu, rubela no polio. - Doze dahuluk hosi vasina sarampu nian proteje maizumenus 70% hosi labarik sira ne’ebé simu vasina ne’e. - Doze daruak hosi vasina sarampu nian proteje maizumenus 95% hosi labarik sira ne’ebé simu vasina ne’e. Doze estra hosi vasina ne’ebé oferese durante kampaña ne’e sei asegura katak labarik sira kompletamente protejidu hasoru sarampu no polio. - Bainhira labarik sira simu vasina sarampu-rubela no polio, sira prote je sira-nia an rasik no mós membrus komunidade nian sira seluk hosi moras hirak-ne’e. ....................................................................................................................................................................................... 3 Livretu Bolsu ba Pesoal Saúde nian sira Faktus Prinsipál kona-ba Sarampu, Rubela no Polio iha Timor-Leste SARAMPU Iha tinan 2011 no 2014, labarik atus barak mak hetan moras sarampu no balun mate, tanba sira la vasina kontra sarampu. Sarampu bele lidera komplikasaun sira ne’ebé grave tebes, liuliu iha labarik sira ho malnutrisaun, mak hanesan pneumonia, defisiénsia no halo mate. RUBELA Vírus rubela nian iha ona iha Timor-Leste. Maske rubela ne’e moras ida kmaan, maibé nia bele provoka komp likasaun sira ne’ebé grave tebetebes se karik mosu ba inan ida ne’ebé isin-rua, bebé bele abortu ka moris mai mate. Se karik bebé ne’e konsege moris, bebé bele moris mai ho Síndrome Rubela Konjénita, ne’ebé bele provoka moras-fuan, danus serebrál, tilun-diuk no matan-delek. POLIO Maske seidauk rejista kazu polio nian iha Timor-Leste kuaze besik tinan 20 ona, maibé pólio ne’e sei prezente nafatin iha nasaun sira seluk. Ne’e-duni, Timor-Leste sei nafatin iha risku ba vírus pólio nian. Únika maneira atu proteje povu Timor-Leste hosi pólio mak hodi asegura nível aas vasinasaun nian iha rai-laran tomak. ....................................................................................................................................................................................... Livretu Bolsu ba Pesoal Saúde nian sira 4 Matadalan Ba Vasinadór Kampaña Sarampu-Rubela No Polio SAIDA MAK PESSOAL SAÚDE SIRA-NIA PAPEL? 1. Rejistu ba labarik sira - Halo lista ba labarik alvu hotu-hotu ho idade eskolár no lá’os-eskolár nian iha komunidade laran hosi idade fulan 0 to’o tinan menus 15. - Fó-hatene ba inan-aman no kuidadór sira kona-ba importánsia hosi kampaña ida-ne’e no oras, loron no fatin ba kampaña imunizasaun nian iha sira-nia lokalidade. 2. Organizasaun postu vasinasaun nian - Asegura katak vasina no lojístika sira seluk disponível molok kampaña ne’e hahú. - Taka materiál mobilizasaun sosiál nian iha fatin sira ne’ebé apropriadu inklui postu imunizasaun hotu-hotu. - Hala’o sesaun vasinasaun nian tuir mikro planu. 3. Fó vasinasaun Saida mak atu fó? Ba grupu idade ida-ne’ebé? Oinsá mak atu fó? Atu fó iha-ne’ebé? Vasina Sarampu -Rubela Fulan 6 to’o idade menus tinan 15 0.5ml subkutan iha labarik nia liman-karuk leten Iha postu vasinasaun (SSK, Postu Saúde, Ospitál, SISCa, Eskolas no postu sira seluk). Vasina polio orál Turuk 2 iha 0 – menus tinan labarik nia 15 ibun-laran Iha postu vasinasaun (SSK, Postu Saúde, Ospitál, SISCa, Eskolas no postu sira seluk). ....................................................................................................................................................................................... 5 Livretu Bolsu ba Pesoal Saúde nian sira 4. Matadalan Importante ba Vasinasaun Loroloron iha dadeer no molok atu bá fatin vasinasaun nian, asegura katak ita-boot lori sumprimentus no vasinas nesesáriu hotu-hotu ne’ebé presiza ba kampaña iha kuantidade ne’ebé adekuada. Mantein vasinas OPV no SR nian iha temperatura entre +2 to’o +80C iha nível fasilidade saúde nian, iha kaixa termu ka portadór vasina nian (cold box/vaccine carrier). Rai vasina iha pakote original hodi proteje hosi (ahi-)naroman LABELE UZA vasina ho Frasku Monitór Vial Vasina (FMVV) Solvente/diluente SR nian mai iha frasku 5ml ne’ebé mak atu uza ba doze 10 hosi frasku vasina SR nian. Rai solvente/diluente iha temperature ambiente maibé tau iha koren ti malirin nia laran entre +2 to’o +80C iha oras 24 nia laran molok ba halo atividades vasinasaun nian – tenke nafatin iha temperatura be hanesan ho vasina SR nian molok rekonstituídu. Nunka konjela solvente/diluente Halo nabeen vasina MR nian ho solvente/diluente malirin (tenke iha kaixa térmika/ portadór vasina nia laran maizumenus durante oras 24 nia laran). Asegura katak uza duni solvente/diluente ne’ebé korretu no hosi fabrikante ne’ebé hanesan. LABELE uza solvente/diluente ba vasina sarampu monovalente. Dada sai líkidu hotu-hotu hosi frasku/ampola solvente nian mezmu nia fó liu 5ml. Uza seringa kahur nian IDA ba kada frasku hosi vasina SR nian. LABELE UZA FILA FALI seringa kahur nian. Depoizde hasai tiha seringa matan, tau lailais kedas nia matan ne’e iha kaixa aseguru nian molok hasai vasina. Soe LAILAIS KEDAS seringa/daun AD uzadu iha kaixa seguru nia laran Kualkér restu hosi vasina SR ne’ebé halo nabeen ona ne’e tenke soe tiha depoizde oras 6 ka iha sesaun imunizasaun nia rohan, ne’ebé deit mak akontese uluk (observa tempu/oras iha-ne’ebé mak halo nabeen vasina SR nian). Uza doze restu hosi OPV nian iha loron tuirmai se wainhira FMVV ne’e iha kondisaun di’ak. Molok labarik sai hosi postu vasinasaun nian, asegura katak ita-boot marka labarik nia limafuan-ki’ik hosi liman-karuk nian iha tabela/ meza rejistu nian. ....................................................................................................................................................................................... Livretu Bolsu ba Pesoal Saúde nian sira 6 Mensajens Xave ba Pessoal Saúde sira atu fó bá inan-aman sira Sarampu, Rubela no Polio ne’e kompletamente evitável liuhosi vasin as ne’ebé seguru no efetivu. Sei iha kampaña imunizasaun nasionál ida ba Sarampu, Rubela no Polio hosi loron 13 Jullu to’o 1 Agostu 2015. Kampaña ne’e sei hala’o iha ita-nia aldeia iha _______(loron, oras no fatin) ba labarik sira idade fulan 0 to’o tinan menus 15. Vasina sira-ne’e seguru tebes no ajuda labarik sira dezenvolve imunidade kontra moras. Iha tinan 2011 no 2014, labarik atus resin mak hetan moras sarampu no balun sai mate, tanba sira la hetan vasinasaun kontra sarampu. Se karik ita-nia oan hetan ona vasina, ita-boot tenke lori sira atu hetan doze estra ida durante kampaña ne’e hodi asegura katak sira hetan protesaun tomak kontra sarampu, rubela no polio. Ita-boot mós proteje membrus komunidade sira seluk hosi risku atu hetan moras bainhira ita-boot lori ita-nia oan hodi hetan vasina kontra sarampu, rubela no polio. Atu hatudu ita-boot nia domin ba ita-nia oan, lori ita-nia oan ba postu vasinasaun nian iha ……………………………….….. (loron, oras, fatin). ....................................................................................................................................................................................... 7 Livretu Bolsu ba Pesoal Saúde nian sira Perguntas no Respostas hosi Inan-aman kona-ba Sarampu-Rubela P1 : Tansá mak hau-nia oan tenke hetan vasinasaun kontra Saram pu-Rubela? Vasina Sarampu-Rubela: ∗ Proteje ita-nia oan hosi sarampu, moras ida ne’ebé potensial mente grave. ∗ Proteje ita-nia oan hosi Rubela. ∗ Prevene atu labarik sira labele hetan kafuak mean ne’ebé la konfortável no isin-manas makaas tanba sarampu no rubela. ∗ Mantein labarik sira atu labele falta eskola tanba deit hetan moras. Proteje ita-nia oan hosi sarampu no Rubela sei ajuda proteje mós labarik sira seluk iha komunidade laran hosi moras hirak-ne’e. P2 : Karik vasina Sarampu-Rubela ne’e seguru? Sin. Vasina sarampu-rubela ne’e seguru no efetivu ba prevensaun sarampu no Rubela. Vasinas, hanesan ho kualkér medikamentu, bele iha efeitus kolaterál/sekundária. Maibé maioria labarik sira ne’ebé hetan vasinasaun sarampu-rubela ne’e laiha efeitus kolaterál. Benefí siu hosi vasina ne’e hodi proteje ita-nia oan nia saúde boot liuresik duké risku hosi hetan efeitus kolaterál ida ki’ik tebes hosi vasina ne’e. Vasina ida-ne’e uza ona iha nasaun 100 resin atu proteje labarik tokon ba tokon iha mundu tomak. P3 : Inan sira dehan katak sira-nia oan protejidu ona hosi sarampu ho vasinasaun rotina. Tansá mak presiza atu hetan doze daruak nian? Karik sira-nia oan simu vasina ne’ebé ladi’ak? Maski vasina sarampu nian ne’e efetivu tebes, maibé labarik balun karik seidauk hetan protesaun ho doze dahuluk hosi vasinasaun ne’e. Nune’e labarik sira ne’ebé mak la protejidu hosi doze dahuluk nian ne’e sei hetan protesaun hosi sarampu durante doze daruak ba vasin asaun nian. Doze estra ida ba vasina sarampu nian ne’e sei la halo aat ba labarik ida. ...................................................................................................................................................................................... Livretu Bolsu ba Pesoal Saúde nian sira 8 P4 : Labarik ida lori bá iha postu kampaña imunizasaun nian iha semana 2 depoizde simu tiha doze ida ba vasina rotina kontra Sarampu nian. Karik labarik ne’e sei hetan tan vasina? Inan-aman sira sei husu sira nia oan hotu-hotu atu hetan doze ba kampaña vasina MR hosi kualkér postu imunizasaun nian durante períodu kampaña nian, maski labarik ne’e hetan ona vasina rotina sarampu iha loron balun molok ba kampaña ne’e. Inan-aman sira tenke informadu mós katak iha kampaña MR ida-ne’e, sei fó doze 1 hosi vasina MR nian ba labarik hotu-hotu hosi idade fulan 6 to’o tinan menus 15, la haree ba sira-nia vasinasaun sarampu anteriór nian ka kondisaun/situasaun moras nian. P5 : Saida deit mak hanesan tipu komún hosi reasaun ba vasin as? Labarik balun ne’ebé simu vasina MR nian karik sei bele hetan isin-manas kmaan, kulit mean kmaan no isin-kole/baruk, ne’ebé sei dura iha loron ida nia laran no sei la presiza hetan tratamentu médiku. Ida-ne’e hatudu katak vasina ne’e funsiona ho di’ak no proteje duni labarik ne’e. Maski, raru tebes iha labarik sira ho imu nokomprometidu karik sei hetan isin-manas makaas no konvulzaun ho isin-manas ne’ebé sei presiza apoiu médiku nian. Iha kazu sira ne’ebé raru (maizumenus 1 kada 100 000) labarik ida bele hetan reasaun alérjika aguda ne’ebé bele sai grave (anafilaxia). Ne’e bele akontese iha OMS ida nia laan depois vasina saun. Ne’e potensialmente fatál, maibé sei bele trata no sei la husik hela efeitus ruma ba tempu anafilaxis naruk nian. 9 Livretu Bolsu ba Pesoal Saúde nian sira P6 : Oinsá atu trata reasaun vasina nian? Se karik sintomas ne’e grave, inan-aman sira tenke lori labarik ne’e ba fasilidade saúde ne’ebé besik hodi hetan tratamentu. Inan-aman sira tenke hetan informasaun iha momentu vasinasaun nian kona-ba posibilidade ba reasaun ki’ik sira. Ida-ne’e sei ajuda hodi fó korajen ba inan-aman sira kona-ba imunizasaun no prepara sira ba reasaun komún sira ne’ebé kmaan. Inan-aman sira bele bele trata moras no isin-manas ho Parac etamol. Labarik ida ne’ebé isin-manas makaas bele halo malirin tiha ho esponza morna ida ka fo hariis tiha, no mós hatasi roupa ne’ebé malirin. Presiza atu fó hemu barak ba labarik sira ne’ebé ho isin-manas. Ba reasaun lokál, taka hena malirin ida ba iha fatin ne’e sei hakmaan moras ne’e. Konsellu ba kuidadór sira se karik labarik ida hetan reasaun ba vasina ne’e Vasinadór ka supervizór tenke hakalma inan ne’e no prenxe lailais kedas formuláriu relatóriu AEFI (Efeitus Kolaterál Depoizde Imunizasaun) nian. Labele diskute situasaun ne’e alende rekolla faktus báziku ba relatóriu AEFI nian. Labele koko atu halo diagnóstiku ida molok investigasaun aproprio. Supervizór, vasinadór ka voluntáriu ida – depende ba disponibilidade, tenke akompaña inan no repórter ba iha fasilidade saúde ne’ebé besikliu no asegu ra atendimentu apropriadu.Informa situasaun ne’e ba Xefe SSK/ Postu Saúde nian. ....................................................................................................................................................................................... Livretu Bolsu ba Pesoal Saúde nian sira 10 KAMPAÑA NASIONAL IMUNIZASAUN SARAMPU-RUBELA NO POLIO 13 Jullu – 1 Agostu 2015
